محشي ورق العنب
وقت التحضير
١ ساعه و ٣٠ دقيقه
وقت الطهي
٤٥ دقيقه
عدد الحصص
٣-٤ أشخاص
المكونات
- ١/٢ كيلو ورق عنب
- ٢ كوب رز مغسول
- خضره بقدونس + كزبره + شبة
- ملعقتين طعام صلصه
- ٢ بصله كبار
- ١/٢ كوب زيت زيتون
- مكعب زبده
- دبس الرمان
- شرائح ليمون
- مكعب مرقه
- ملح و فلفل و كمون و بهارات
- شوربة فراخ / لحم
طريقة التحضير
- حتجيبي حله و تحطي فيها مياه لحد ما تسخن و تحطي اوراق العنب و مبدأيا عشان تعملي ورق العنب مزز لو بتحبيه فيه مزازه و جيباه فرش لازم تحطي علي المياه شرائح من الليمون و الملح بتحتاج العمليه دي لكل كميه من ١-٢ دقيقه لحد ما اللون الاخضر يتغير للون الزيتوني و ترفعيه من النار علي مصفاه بعد ما يبرد حتشيلي العنقود و تحتفظي فيه لاننا حنستخدمه في وصقتنا.
- بعد ذلك حنبدأ نعمل رز المحشي حنفرم بصلتين و نحمرهم في مكعب زبده و عليه ملعقتين طعام زيت زيتون لحد و نحمر البصله لحد ما يبقي لونها ذهبي و بعد كده هنحط عليها الصلصه و نحمر معجون الصلصه شويه و نحط عليها كوبايتين الرز و نقلب المكونات جيدا نضيف الملح و الفلفل و البهارات و الكمون ( الكمون له اهميته لو مهتمه تعرفي فوائده حنزلكم موضوع مخصوص به) و ممكن تلغيه من الوصفه بعد كده بتطفي النار.
- تكوني مجهزه الخضره ( بقدونس + كزبره + شبة) و تضعيها علي خلطة الرز و تتركيه حتي يهدأ قليلا.
- بعد كده تبدأ تلفي ورق العنب بالخالطه بتحطي الورقه علي الطبق و بعدين تحطي كمية الرز معلقه صغيره و تفردي بالعرض بعد كده تلفي الورقه رول صغير زي ما موضح في الصوره:
-
- جينه للجزء المهم و بتحطي عنقود العنب في قعر الحله و ترصي عليهم محشي ورق العنب.
- حتجهزي الشوربه اللي حتسقي بيها ورق العنب بالطريقه دي :
- كوباية شوربه و عليها ملعقة صلصه + ملعقتين دبس الرومان + مكعب مرقة الدجاج + نص كوب زيت زيتون و علي حلة ورق العنب يا سيدتي يا ست الكل و هي دي سر طعامت و لذاذة ورق العنب اللي بتتذوقيه في المحلات السوري.
- ضيفي شرائح الليمون و سبيه علي نار هاديه ٤٥ دقيقه .
- قدميه مع دبس الرمان و المايونيز.
ملاحظات ونصائح
- استخدمي حلة كبيرة فيها ماء لتسوية الأوراق.
- مدة السلق (من ١–٢ دقيقة) فقط حتى يتغيّر لون الورق من الأخضر الفاتح للزيتي.
- حمري البصل للون الذهبي و ضيفي ملعقتين صلصه و الرز.
- لو بتحبي المزازة والطعم الفريش زي المطاعم السوريه، ضيفي شرائح ليمون و دبس الرمان في شوربة المحشي.
- حتفرشي الحله بعناقيد ورق العنب عشان المحشي مايتحرقش.
- حتسيبي المحشي ٤٥ دقيقه يستوي علي نار هاديه.